Hazard ‘var këpucët’, belgu i jep papritur lamtumirën futbollit

7 vite te Chelsea bënë që ai të cilësohej ndër futbollistët më të mirë në botë, por tanimë i jep fund karrierës në moshën 32-vjecare.

Eden Hazard ka lajmëruar zyrtarisht tërheqjen nga sporti më popullor në botë, ndërsa këtë gjë e ka bërë nëpërmjet një postimi në rrjetin social ‘Instagram’.

Belgu prej muajsh ishte pa skuadër, që prej largimit nga Reali i Madridit, duke mos nisur asnjë aventurë tjetër, ndërsa tanimë nuk do të zbresë më në fushën e blertë. Pas tërheqjes nga kombëtarja e djajve, Hazard ka varur këpucët në gozhdë.

Përgjatë karrierës së tij, Eden Hazard ka luajtur 623 ndeshje dhe ka shënuar 167 gola e asistuar 157 herë. Vitet e arta i kaloi në Londër, aty ku ishte lojtari kyç i bluve, me në total 352 përballje të luajtura. Kalimi në Madrid cilësohet një hap i gabuar për sulmuesin, i cili në 4 vite luajti vetëm 52 ndeshje.

Ylli belg numëron disa trofe të fituar, mes tyre kampionatin anglez, atë spanjoll, madje ka triumfuar dhe në Ligue 1 me Lille përgjatë sezonit 2010-2011.

LEXONI GJITHASHTU:

• Shqipëria mbështet Riadin për Botërorin 2030, Rama: Do na mahnisë!
• FIFA sjell risinë për Kupën e Botës, Botërori 2030 në 3 kontinente