“Kam familjen pranë Gazës, ja ç’më tregojnë”,- kreu i komunitetit hebre në Shqipëri

Kreu i komunitetit hebre në Shqipëri Amos Dojaka, ishte këtë të premte i ftuar në Euronews Albania ku ka folur për situatën në Rrripin e Gazës.

Ai tha se ka njerëz të tij në Izrael të cilët i kanë treguar se ata bëjnë një jetë thuajse normale por që kur bien sirenat e alarmit menjëherë futen ën dhomat e sigurisë.

“Dëgjojmë tregime nga më tronditëset, një baba i kënaqur se gjeti vajzën e tij 10 vjeçe të vdekur, ishte më i çliruar se ta dinte se vajza e tij ishte rob te Hamasi. Unë kam njerëzit e mi në Izrael që janë afër rripit të Gazës. Për momentin ata janë mirë, por nën sirenat e vazhdueshme të mbrojtjes ajrore. Predhat janë të vazhdueshme”,-tha ai.

Ai shtoi se numri i hebrenjve shqiptar të cilët kanë shkuar në Izrael është diku te 500 persona, ndërsa në Shqipëri numri i tyre është i vogël.

“Numri i hebrenjve në Shqipëri është një numër i vogël. Që nga marsi i 1991 shumica dërrmuese e hebrenjve që kanë jetuar në Shqipëri kanë shkuar në Izrael dhe jetojnë shumë mirë.

Është një shifër diku te 500 persona që kanë ikur në Izrael dhe janë pjesë e integruar në Izrael. ata jetojnë në Bersheva në  jug të Izraelit, ne veri, kemi të shpërndarë në disa vende. Ndërsa në Shqipëri numri i hebrenjve është i vogël edhe unë kam ikur kam jetuar në Izrael dhe jam kthyer sërish në Shqipëri”,-tha Amos Dojaka.

LEXONI GJITHASHTU:

• Ndeshja Shqipëri-Çeki, Balla falënderon punonjësit e policisë e djemtë e kombëtares
• Djali iu vra në Izrael, nëna: 10 të kisha, do t’i nisja të vriteshin për tokën tonë