Shtyhet seanca për rusin Igor Kokunov, avokati: Shkresa për ekstradim e parregullt

Shtyhet seanca në Gjykatën e Shkallës së Parë në Shkodër për rusin Igor Kokunov, i kërkuar nga Interpoli Ndërkombëtar, konkretisht në Rusi.

Seanca është shtyrë më 7 nëntor të këtij viti, ndërsa avokati i tij mbrojtës Kokunov Isuf Shehu deklaroi se shkresa për ekstradim është firmosur nga zevëndes Prokurori i Përgjithshëm i Rusisë dhe jo nga prokurori apo ministria e drejtësisë ruse, dhe kjo bie ndesh më konventën ndërkombëtare.

Avokati tha se Kokunov ka vetëm një vepër penale për të cilën dyshohet si kreu i një grupi kriminal, dispozitë që sipas avokatit nuk e njeh ligji shqiptar. Avokati mes tjerash deklaroi se është kërkuar azil në Shqipëri për Kokunov për shkak se Rusia është një shtet i pasigurt dhe që shkel të drejtat e njeriut.

Deri më 7 nëntor pritet te sqarohet nëse shkresa për  ekstradim është firmosur apo jo nga Prokurori i Pergjithshëm i Rusisë apo nga Ministria e Drejtësisë në Rusi.

LEXONI GJITHASHTU: 

• “Më ofruan vend pune për djalin, për votën”- Dëshmia në SPAK për kryebashkiakun e PS
• Balla propozon ndryshime në kodin penal për rritjen e sigurisë në shkolla