Imuniteti i Berishës/ Bylykbashi: Goditja në themel e procesit, u anashkalua Kuvendi

Politikani Oerd Bylykbashi tha se në çështjen “Partizani” goditja në themel është anashkalimi i parlamentit.

Ai tha në “Now me Erla Mëhillin” se nuk është shkelur imuniteti i deputetit Sali  Berisha,  por ai i Parlamentit i cili duhet të mbrojë veten nga “persekutimet politike”.

“Goditja në themel që i ka ndodhur procesit është anashkalimi i Parlamentit. Arsyeja është shumë e thjeshtë, nuk është imuniteti i Sali Berishës, imuniteti i Edi Ramës, i Oerd Bylykbashit apo i kujtdo tjetër, është imuniteti i Parlamentit.

Unë kam këtu vendimin e Gjykatës Europiane për këtë, komisioni i Venecias do thotë të njëjtën gjë, doktrina e thotë këtë. Parlamenti mbron veten nga ajo që quhet “bie erë persekutimi politik””,-tha Bylykbashi.

LEXONI GJITHASHTU:

• Kurti dhe Vuçiç ftohen në Bruksel/ BE: Propozim modern evropian për Asociacionin
• “Borrell kërkon takim, Kurti nuk do shkojë!” Gashi: BE duhet ta sanksionojë Serbisë