Plagos me armë kushëririn gjatë gjuetisë, arrestohet 38-vjeçari

Një 38-vjeçar është arrestuar nga shërbimet e policisë në Përmet, pasi plagosi aksidentalisht, me armë gjahu, kushëririn e tij, ndërkohë që po kryenin gjueti të kundërligjshme, në fshatin Munushtir i Vjetër.

Policia ka ndaluar 38-vjeçarin, ndërkohë që është sekuestruar dhe arma e gjahut me të cilën u krye plagosja.

Mbi 38 vjeçarin rëndojnë veprat penale “Plagosja e rëndë nga pakujdesia” dhe “Dëmtimi i specieve të mbrojtura të florës dhe faunës së egër”. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.

“Menjëherë pas marrjes së njoftimit se në Urgjencën e spitalit të Përmetit, kishte shkuar i plagosur shtetasi G. B., 37 vjeç, shërbimet e Komisariatit të Policisë Përmet kanë kryer të gjitha veprimet e nevojshme procedurale për zbardhjen e rrethanave të rastit.

Nga hetimet rezultoi se 37-vjeçari ishte plagosur aksidentalisht, me armë gjahu, nga kushëriri i tij, shtetasi G. B., në fshatin Munushtir i Vjetër, teksa kryenin gjueti të kundërligjshme.

Në vijim të veprimeve procedurale u arrestua shtetasi G. B., 38 vjeç, banues në fshatin Munushtir”, thuhet në njoftimin e policisë.

LEXONI GJITHASHTU:

• U godit me karrige nga nxënësi, dërgohet te Trauma mësuesja nga Lezha
• Në kërkim për shtëpinë e barit në Bërdicë, arrestohet 31-vjeçari nga Shkodra