“Berisha e ka luftën me SHBA”, Muça: Ish-kryeministri u frikësohet provave të SPAK

Gazetari Flogert Muça ishte i ftuar këtë të mërkurë në Euronews Albania, ku analizoi veprimet e Sali Berishës për t’u përballur me drejtësinë. Sipas gazetarit beteja e ish-kryeministrit nuk është aspak me Ramën, por me SHBA-në.

Muça tha se ajo që e shqetëson Berishën nuk është kompleksi “Partizani”, por provat dhe faktet e tjera që mund të nxjerrë SPAK-u gjatë hetimeve.

Sali Berisha ka ndërtuar një narrativë, ku për të mbrojtur veten, ka shpikur një armik që është Edi Rama. Sali Berisha nuk e ka luftën me Edi Ramën, as me Lulzim Bashën, ata luftën e kanë me Shtetet e Bashkuara të Amerikës, mirëpo duke qenë se si narrativë nuk do u funksiononte ashtu siç duhet, kanë shpikur armikun Edi Rama. Edi Rama nuk ka lidhje fare se i ka shkuar krahu i majtë dhe krahu i djathtë në burg.

Edi Ramës po i shkojnë çdo ditë funksionarë e ish0funksionarë në burg e ky na qenka ai që drejton edhe drejtësinë e re. Këto gjëra kërcasin dhe janë bazike fare si argumente. Sali Berisha problemin e ka me amerikanët dhe me atë që ne nuk e kemi parë akoma.

Sali Berisha e di sa shumë prova dhe fakte e të dhëna mund  të nxjerrë SPAK, ai e di që nuk bëhet fjalë vetëm për kompleksin “Partizanti”, por kur SPAK të fut në sitën e tij “të shpëlan” në 30 vite. Ai e ka betejën e jetës. Kështu mendoj unë”,-tha gazetari Flogert Muça.

LEXONI GJITHASHTU:

• Ushtria izraelite refuzon të thotë nëse tanket kanë bllokuar rrugën kryesore në Gaza
• Lajçak zbulon çfarë ndodhi në takimet në Bruksel të Kurtit dhe Vuçiçit