Puthi në buzë futbollisten, UEFA dënon Rubiales për skandalin. Zbardhet vendimi

Ish-kreu i federatës së futbollit në Spanjë, Luis Rubiales, është dënuar pas një vendimi të fundit të UEFA. 46-vjeçari është përjashtuar për 3 vite nga çdo event futbollistik, ndërsa shkak është bërë skandali që përfshiu kombëtaren iberike pas fitimit të trofeut të Kupës së Botës në futboll për femra. Rubiales nuk i lejohet hyrja në asnjë stadium i cili mban logon e institucioneve të futbollit, ndërsa ka shprehur pakënaqësi për dënimin e marrë.

Luis Rubiales ishte në qendër të vëmendjes pasi puthi në buzë futbollisten e komëbtares spanjolle Jennny Hermoso pas finales së kupës së botës më 20 gusht. Iberiket triumfuan në finalen me Anglinë 1-0 pas golit të Olga Carmonas, ndërsa incidenti u regjistrua gjatë dhënies së medaljeve të arit. Rubiales gjatë ceremonisë puthi në buzë futbollisten Hermoso, para kamerave, ndërsa kjo e fundit e cilësoi të padëshiruar veprimin e 46-vjeçarit.

Pasi ngjarja mori një vëmendje të madhe mediatike në Evropë, reagimet ishin të shumta dhe nga drejtuesit e FIFA dhe UEFA, të cilët kërkuan dënimin e Rubiales. Ky i fundit u justifikua duke pohuar se ishte një veprim krejt normal, diçka të tillë do ta bënte dhe ndaj vajzës së tij. Presionet e mëpasshme ndaj lojtares dhe familjes së saj ishin të shumta, për t’u tërhequr nga kjo çështje, por diçka e tillë nuk ndodhi dhe taNimë, Rubiales është dënuar përfundimisht.

LEXONI GJITHASHTU:

• Sot trofeu i Topit të Artë, a do mund Haaland dhe Mbappe të triumfojnë ndaj Messit
• Medalje ari në boks, Shqipëria triumfon në kampionatin ballkanik