“Nuk keni mbështetje popullore”, Iljazaj debaton me Lelën

Gazetari Ervis Iljazaj debatoi në emisionin Now në Euronews Albania me drejtorin e komunikimit në PD, Alfred Lela lidhur me situatën në të cilën gjendet sot opozita.

Sipas tij, opozita nuk ka mbështetje popullore.

“Nuk ka rëndësi çfarë qëllimi ke, rëndësi ka edhe që të arrihet qëllimi. Dy mjete për ta bërë këtë janë populli dhe ndërkombëtarët. Politikanët raportin e kanë me popullin dhe përgjigjen e kundërpërgjigjen në varësi të popullit dhe jo të politikanëve”, – tha Iljazaj.

“Iljazaj po thotë një gjë të çuditshëm, pasi po i jep të drejtë opozitës, por meqë janë faktorët ekstraopozitar, nuk ka të drejtë. Opozita ka të drejtë për komisionet dhe mbi këtë të drejtë duhet ta ngremë diskutimin. Qytetarët duhet të jenë me opozitën, që ka të drejtë për këtë”, – u përgjigj Alfred Lela.

Ndërsa Iljazaj shtoi se nuk ka rëndësi qëllimi, por mënyrat se si do arrihet qëllimi, të cilat sipas tij janë dy, populli dhe ndërkombëtarët.

LEXONI GJITHASHTU:

• Marrëveshja me Italinë për emigrantët, PD kërkon interpelancë urgjente me Ramën
• Përplasjet në Kryesi, reagon PD: Opozita që kacavirret dritareve, fiks siç e do Rama