Lajmi i fundit | Sport

Liverpool drejt kualifikimit, Slavia sfidon Romën. Europa League me 16 sfida

9 Nëntor 2023 | 16:00

Një fitore në transfertën e Toulouse do të sillte kualifikimin për Liverpooli ne Jurgen Klopp, i cili vjen me pikë të plota pas 3 ndeshjesh në grupet e Europa League. Anglezët po kalojnë një formë shumë të mirë, ndërsa kundërshtari nuk premton rezistencë.

Mungesat mbeten shqetësim për teknikun gjerman, por dhe kundërshtari në anën tjetër thuajse ka të njëjtën situatë. Në 5 përballjet e fundit, Liverpool numëron 4 fitore dhe 1 barazim, ndërsa Toulouse 3 humbje e dy barazime.

Në të njëjtin grup luhet dhe Lask-Royale Union, me belgët të cilët në rast fitore do të vijonin ndjekjen ndaj kryesuesve anglezë. Një tjetër ekip që meriton vëmendje është Roma, që udhëton drejt Cekisë.

Slavia Pragës është një sfidant në ligat evropiane, por romanët nuk tolerojnë surpriza. Përballja e 2 javëve më parë u fitua nga Mourinho 2-0, ndërsa gjërat në transfertë bëhen më të vështira.

Dy skuadrat e tjera të grupit nuk kanë objektiva, konkretisht Servette e Sheriff, të cilat kanë vetëm 1 pikë, ndërsa përballen së bashku në ndeshjen e 4-ët në grupe. Në Azerbajxhan, Leverkuseni synon të vulosë kualifikimin, pas një ecurie fantastike në Bundesligë dhe Europë. Skuadra e Xabi Alonson sfidohet nga Karabag, por ndeshja e parë u fitua nga gjermanët 5-1.

LEXONI GJITHASHTU: