FOTO| U ekzekutua me armë zjarri në Ekuador, gazetari zbulon kush ishte shqiptari

Gazetari Dashamir Biçaku, ishte të premten i ftuar në një intervistë për “Review” në Euronews Albania ku foli për arrestimin e Dritan Rexhepit si edhe për vrasjen e Arjanit Rizaj. Vrasja e këtij të fundit u bë e ditur mbrëmjen e djeshme.

Biçaku ka bërë një profil të shkurtër të këtij personazhi i cili u ekzekutua me pistoletë pranë një spitali në Ekuador.

Ai tha se 43-cjeçari ishte një personazh i panjohur për Ekuadorin pasi nuk kishte rekorde të mëparshme kriminale të regjistruara, por ekzekutimi i tij mund të ketë ardhur për shkak të përplasjeve për kokainën.

“Arjanit Rizaj 43-vjeç,  ky është identiteti i cili është zbuluar, se mund të ekzistojë mundësia që dokumenti që ka prezantuar në Ekuador të jetë fals. Autoritetet akuadoriane nuk kanë pasur asnjë informacion për të.

Ai ka hyrë në Ekuador në rrugë tokësore, besohet të ketë hyrë nga Peruja. ai nuk njihet nga autoritet ndaj edhe vrasja e tij, sigurisht që lidhet me përplasjet për shkak të kokainës, por ende nuk ka asnjë informacion për të, pasi ai nuk ka asnjë rekord kriminal në Ekuador”, tha gazetari.

Gazetari Biçaku gjithashtu siguroi për emisionin edhe një foto të Arianit Rizaj, 43-vjeçarit të ekzekutuar.

LEXONI GJITHASHTU:

• “Iku nga Ekuadori”, gazetari zbulon përplasjen e Dritan Rexhepit me grupin shqiptar
• “Rexhepi drejtonte kartelin e nga burgu”, Loaiza: Gazetarët në Ekuador në rrezik