“Iku nga Ekuadori”, gazetari zbulon përplasjen e Dritan Rexhepit me grupin shqiptar

Dashamir Biçaku ishte këtë të premte i ftuar në “Review” në Euronews Albania për të folur rreth arrestimit të Dritan Rexhepit.

Rexhepi, njihej si mbreti i arratisjeve, ndaj lajmi i arrestimit të tij, ka qenë surprizues për të gjithë ata që botën e krimit e njohin mirë.

Gazetari Dashamir Biçaku ishte një nga personat të cilëve lajmi i arrestimit të Dritan Rexhepit, i erdhi i papritur. Ai bëri një profil të shkurtër të këtij personazhi

“Dritan Rexhepi dihet që është arrestuar në vitin 2014 gjatë  operacionit të policisë ekuadoriane me emrin “Ballkan”. Pas arrestimit u dënua me rreth 10  vite burg e pas këtij dënimi ai ka lënë qelitë e burgut në vitin 2021, pas një procesi që u zhvillua atje.

Duhet thënë se në 2022, pak kohë pasi kishte dalë nga burgu, ai ka pasur një përplasje, ky është informacion shumë i rëndësishëm i papublikuar më parë, ai ka pasur një përplasje me një grupim të trafikut të kokainës, grupim tjetër shqiptar, po në Ekuador dhe përplasja ka qenë tepër e rrezikshme dhe vet Dritan Rexhepi është detyruar të largohet nga Ekuadori dhe të transferohet në Kolumbi”,-tha gazetari.

LEXONI GJITHASHTU:

• “Rexhepi drejtonte kartelin e nga burgu”, Loaiza: Gazetarët në Ekuador në rrezik
• I akuzuar për pengmarrje, vrasje e trafik droge, kjo është kartela e Dritan Rexhepit