“S’i besoj teknologjisë”| Ish-menaxheri i Dwamena: Hoqi defribilatorin, çfarë më tha

Raphael Dwamena, 28 vjeç, vdiq të shtunën, gjatë ndeshjes Egnatia-Partizani në minutën e 24’ të ndeshjes që po luhej në stadiumin në Rrogozhinë.

Ish-menaxheri i tij në kohën kur luante për Zvicrën, Philipp Degen tha se e kishte këshilluar që të mos e hiqte defibrilatorin në zemër, ndërsa Dwamena i kishte thënë se nuk besonte te teknologjia dhe për këtë arsye do e hiqte, pavarësisht se sëmundja e tij se toleronte një vendim të tillë.

“Unë nuk i besoj më teknologjisë. Të gjithë rrezikun e marr mbi vete. Nëse ndodh diçka, është faji im”, kishte thënë Dwamena.

Ai kishte vuajtur nga problemet e zemrës për një kohë të gjatë dhe ishte rrëzuar në fushë edhe në një rast tjetër, gjatë një ndeshjeje me Blau-Weiss Linz në vitin 2021.

Dwamena u diagnostikua me aritmi kardiake ndërsa luante për Zyrihun e Zvicrës në vitin 2017.

Pikërisht për shkak të sëmundjes, karriera e tij nuk shkoi siç ishte planifikuar. Sidoqoftë futbollisti e cilësonte veten si “fetar”. Ai thoshte se kishte besim në Zot dhe besonte se ëndrrat e tij do të realizoheshin falë talentit dhe punës, pa marrë parasysh nga se vuante.

Dwamena kujtonte shpesh rastin e danezit Christian Eriksen, i cili pavarësisht se u rrëzua në fushë teksa luante për në Euro 2021, u transferua te Man Utd.

Ai iu rikthye futbollit profesionist në fillim të vitit 2023 me klubin e kategorisë së parë, KF Egnatia.

LEXONI GJITHASHTU:

• Ndërroi jetë në fushën e lojës/ Trupi i Dwamena drejt Rinasit, do të prehet në Ganë
• Vdekja e Raphael Dwamena/ Skënder Brataj: S’duhet të ishte lejuar të luante futboll