Zika: Jam kryefamiljare me 3 fëmijë, nuk përfitoj nga ndihma e qeverisë

Ekspertja e punësimit, Kumrie Zika tha në një intervistë për “Goodmorning Albanians” në Euronews Albania se është kryefamiljare me 3 fëmijë, por nuk përfiton nga ndihma e qeverisë.

Ajo ju referua njoftimit të kryeministrit Rama dy ditë më parë, i cili tha se mbi 8 mijë gra kryefamiljare që kanë 3 ose më shumë fëmijë të moshës deri në 18 vjeç, do të kenë përfitim nga programet e mbrojtjes sociale.

“Është 12 i vogli, 14 e dyta dhe 17 e para. Nuk më ka nxitur mua njeri që të shkoja në universitet dhe të studioja kur isha me fëmijë. Kështu që është vetë individi, i motivuar, i edukuar, ka një ëndërr, ka një pasion. Nëse ti je vet pa një qëllim në jetë ose jeton në Shqipëri pa një mision, normalisht do të vegjetosh që do të thotë do marrësh atë ndihmë sociale dhe do jetosh. Ka zonja, ka vajza, ka individë nëv shoqërinë tonë që jetojnë me pak, janë mësuar të jetojnë ashtu,” – u shpreh Zika.

LEXONI GJITHASHTU:

• Degët më të zgjedhura në universitet, të rinjtë: Aplikuam aty ku garantohet punësimi
• Ndërtimi rriti ekonominë në vend, por nuk ndikoi në shtimin e punësimit