Tensionet në Kuvend, reagon Ambasada Britanike: Shumica dhe opozita të bashkëpunojnë

Ambasada e Britanisë së Madhe ka reaguar pas tensioneve të javëve të fundit në Kuvendin e Shqipërisë.

Përmes një reagimi në faqen zyrtare në Facebook, Ambasada shpreh shqetësimin për këtë situatë dhe kërkon nga maxhoranca dhe opozita që të bashkëpunojnë me njëra-tjetrën, në mënyrë që Parlamenti të bëhet funksional.

Reagimi i Ambasadës britanike:

Ambasada Britanike në Tiranë shpreh shqetësimin lidhur me zhvillimet më të fundit në Parlamentin e Shqipërisë. Një parlament që funksionon dhe dialogu konstruktiv mes përfaqësuesve të zgjedhur janë thelbësorë për të garantuar legjislacionin dhe shërbimet në mënyrë efektive. U bëjmë thirrje shumicës dhe opozitës të punojnë së bashku për të garantuar që parlamenti të mund të ushtrojë rolin e tij mbikëqyrës dhe të veprojë në interesin e të gjithë qytetarëve.

LEXONI GJITHASHTU:

• Miratimi i buxhetit mes tymit dhe flakëve, PL: U ligjërua rënia e parlamentit
• Miratohet buxheti, Bardhi: 4 min e 29 sek për financimin e krimit dhe miqve të Ramës