“Ku është Ilir Meta?”- Berisha e ‘zbulon’: Ka zhvilluar disa kontrolle mjekësore

Ish-kryeministri Sali Berisha është shprehur se grupimi opozitar që ai drejton është i gatshëm që të bashkëpunojë me çdo parti opozitare, përveç PD-së së drejtuar nga Lulzim Basha, të cilin ai nuk e quajti parti por fraksion.

Komentet Berisha i bëri në emisionin “Now me Erla Mëhillin” në Euronews Albania, ku tha gjithashtu se kreu i Partisë së Lirisë, Ilir Meta, ka zhvilluar disa kontrolle mjekësore dhe për këtë arsye nuk ka qenë shumë prezent në publik.

Ai shtoi se kontrollet për Metën dolën mirë dhe se tani ai është në mbështetje të plotë të linjës opozitare.

“Tre aleatët tanë kanë shpallur se nesër do të dalin në konferencë shtypi, është normale, janë parti të pavarura dhe synojnë një bashkim të së djathtës dhe ne do ta shqyrtojmë propozimin e tyre. Ne jemi të hapur veç partisë Brava-Balla, jemi të gatshëm të bashkëpunojmë me LSI-në po e po dhe me çdo forcë tjetër.

Unë jam optimist sepse është një kohë kur në situatën e krijuar në të gjitha aspektet, partitë kanë rolin e tyre, por shoqëria është përcaktuese dhe do të bëjmë gjithçka për motivimin e saj. Ilir Meta ka qenë edhe me disa kontrolle mjekësore nga të cilat ka dalë mirë, është kthyer, është aktiv në media dhe mbështet plotësisht qëndrimin e opozitës”, është shprehur Berisha.

LEXONI GJITHASHTU:

• ‘I izoluar’ nga SHBA dhe MB, Berisha: Rruga e komunikimit të PD me ndërkombëtarët
• Arrestimi i Breçanit, Berisha: S’ka qenë kurrë afër meje, në bulevard nuk bëri asgjë