“U sulmuam nga Tirana”- Presidenti i Vllaznisë: Në komisariat janë bërë diferencime

Përballja mes Tiranës dhe Vllaznisë në futbollin e femrave u shoqërua me skena dhune ku lojtaret u përplasën me njëra-tjtrën dhe jo vetëm, teksa akuza ka pasur dhe për përfshirje të drejtuesve dhe tifozëve. Klubi bardheblu reagoi i pari për ngjarjen duke pohuar se 3 prej pjesëtareve mbetën të lënduara, madje duke ngritur akuza ndaj klubit shkodran.

Tek Vllaznia kanë një qëndrim krejt ndryshe, ku një një intervistë për Euronews Albania, presidenti Lazer Matija reagoi për incidentin, duke shtuar se nuk ofrohej aspak siguri.

“Kemi komunikuar zyrtarisht me FSHF dhe kemi paraqitur provat dhe Federata është e pavarur dhe mendoj se do të marrë mendimin e duhur për këtë situatë.

Ekipi i Tiranës pas kësaj situate gjeti kohën, jo për të kërkuar falje, por gjeti mundësinë dhe e lidhi me dhunën ndaj femrave, meqë është dhe dita.

Nëse ka një njeri që ka investuar në Shqipëri për femrat jam unë. Kam 14 vite që investoj dhe nuk investoj për të krijuara atë dhunë aty”, tha ai.

Ai tha gjhithashtu se në “komisariat janë bërë diferencime” në trajtimin që i është bërë rastit për të dy ekipet.

Tirana dhe Vllaznia luanin të shtunën në kryeqytet, në klasiken e futbollit shqiptar për femra. Ndeshja u ndërpre gjatë pjesës së parë për të mos filluar më, ndërsa nuk ka pasur asnjë reagim nga FSHF.

LEXONI GJITHASHTU:

• VIDEO/ Grushte e shkelma, pamjet nga sherri në futbollin e femrave Tirana-Vllaznia
• Dhuna në futbollin e femrave, presidenti i Vllaznisë: Më goditën e vajzën