111 vjetori i Pavarësisë, Veliaj mesazh për qytetarët nga “Parada e Shqiptarisë”

Kryetari i Bashkisë së Tiranës, Erion Veliaj, uroi gjithë shqiptarët për 111 vjetorin e Pavarësisë së Shqipërisë.

Gjatë fjalës së tij nga “Parada e Shqiptarisë” që po mbahet në Tiranë, ku janë mbledhur shqiptarë nga treva të ndryshme, Veliaj tha se i duhet dhënë kujdes gjithë trevave shqiptare.

Ai shtoi gjithashtu se do të ishte i lumtur nëse do të shihte që arbëreshët e Italisë dhe shqiptarët në Ballkan do të afroheshin më shumë me njëri-tjetrin.

“Sot dua që secili prej jush të takojë një nga qytetarët që nuk e njeh më përpara. Dua të takoni në pradadë një nga kolegët tuaj arberesh dhe nëse vini që andej, të takoni dikë tjetër nga kjo anë e detit.

Dje iu citova një gazetare që përshkruante Shqipërinë e pas-pavarësisë, por ndërkohë para pavarësisë një gazetar pyet Ismail Qemalin dhe i thotë se kjo është tokë shumë e varfër… Dhe Ismail Qemali i thotë “a duhet prerë një pemë që nuk ka pasur kujdes?”

Vizioni i Ismail Qemalit ka qenë që kjo pemë e shqiptarisë po të ketë kujdes lulëzon. Sot jemi mbledhur të gjitha degët e asas pemës. Do të duhet që t’i japim gjithë komunave tona kujdes. Një porosi e veçantë e kryeministrit që këtë ditë t’ja kushtojmë kryesisht arbëreshëve të Italisë. Me aq shpërndarje në shumë vende, ndoshta jemi kombi më unik pasi rrethohemi nga vetëvetja”, është shprehur Veliaj.

LEXONI GJITHASHTU:

• Parashuta me flamurin kuq e zi ulet në Prekaz, pamjet nga festimet në Kosovë
• Vjosa Osmani uron Ditën e Flamurit: Kosova do të jetë gjithnjë në krah të Shqipërisë