Hapja e kufijve ajror për Lavrov, bojkotohet takimi i Shkupit

Ministrat e Jashtëm të Estonisë, Letonisë dhe Lituanisë njoftuan në një deklaratë të përbashkët se vendet e tyre nuk do të marrin pjesë në Samitin e OSBE në Shkup për shkak të pranisë së ministrit të jashtëm rus Sergej Lavrov.

“Prania e Sergei Lavrov në ministerialim e OSBE-së rrezikon gjithashtu legjitimimin e Rusisë agresore si një anëtar legjitim i komunitetit tonë të kombeve të lira, banalizimin e krimeve mizore që po kryen Rusia dhe faljen e shkeljes flagrante të Rusisë dhe mosrespektimit të parimeve dhe detyrimeve themelore të OSBE-së“, kane deklaruar minsitrat ne nje deklarate te perbashket.

Më herët, Ukraina konfirmoi se nuk do të marrë pjesë në samitin e OSBE-së për arsyen e njëjtë.

Ministria e Punëve të Jashtme e Bullgarisë i dha leje avionit të ministrit të Jashtëm rus, Sergei Lavrov, për të fluturuar mbi Bullgari.

Sipas tij, vendimi u mor pas kërkesës së Maqedonisë së Veriut – vendit që aktualisht ushtron detyrën e kryesuesit të Organizatës për Siguri dhe Bashkëpunim në Evropë (OSBE).

LEXONI GJITHASHTU:

• Bullgaria hap hapësirën ajrore për vizitën e Sergei Lavrov në RMV
• Incident diplomatik Britani-Greqi, Sunak anulon takimin me Mitsotakis