Historiania: Europa është treguar mosmirënjohëse ndaj shqiptarëve

Historiania Nevila Nika tha në emisionin Now në Euronews Albania se ky 111 vjetor i Pavarësisë nuk i gjen shqiptarët të bashkuar, që ishte ajo për të cilën luftuan dhe punuan ata burra që  ngritën flamurin në Vlorë.

Ajo theksoi se Evropa e kohës u tregua mosmirënjohëse ndaj shqiptarëve edhe pse ata me në krye Gjergj Kastriotin u bënë mburojë kundër osmanëve në Evropë.

“Ata që morën pjesë me armë në kryengritjet antiosmane, të gjithë ata që punuan në terren duke ndihmuar kishin ëndërruar që të katër vilajetet shqiptare të ishin një shtet. Kemi një ndarje, jo me dëshirën tonë, qenë fuqitë e mëdha që vendosën për ne me gjithë ndihmën e jashtëzakonshme që shqiptarët me në krye Gjergj Kastriotin i dhanë Evropës duke u bërë mburojë kundër depërtimit të osmanëve. Europa u tregua jashtëzakonisht mosmirënjohëse ndaj nesh, po ishin rrethana më të ndërlikuara. Por pjesa që mbeti jashtë Shqipërisë vazhdonte të ishte e pushtuar, vetëm ndërruan pushtuesit, ndarja ka qenë e gjatë dhe e dhunshme”, tha historiania.

LEXONI GJITHASHTU:

• Flamuri shqiptar drejt rekordit Guiness! Projekti që nderon shqiptarët
• Cilat janë fjalët më të kërkuara në Google nga shqiptarët për vitin 2023