A do jetë Berisha sërish kryetar? Ina Zhupa: Do votëbesohet në Kuvend sipas statutit

Deputetja e Partisë Demokratike, Ina Zhupa tha në një intervistë për Euronews Albania këtë të enjte se në datën 2 dhjetor kur të mbahet kuvendi kombëtar i  Partisë Demokratike, do të zhvillohet edhe procesi i votëbesimit i kryetarit të “Rithemelimit” Sali Berisha.

Ajo tha se nuk mund të përgjigjet nëse do jetë sërish ai kryetari i partisë, por siguroi se procesi i votëbesimit do zhvillohet me vota të mbyllura.

“Në kuvendin kombëtar të datës 2 dhjetor do jetë fillimisht votëbesimi i kryetarit të partisë zotit Berisha, i cili nëse ka humbje të zgjedhjeve lokale, siç ishte këtë herë, statuti është i qartë, ti do kalosh në votëbesim, pavarësisht se pse ka ndodhur humbja.

Procese të tjera kanë të bëjnë me atë që do paralajmërojë kuvendi kombëtar. Hapat e mëtejshëm që lidhen në një aspekt me aksionin opozitar dhe me përballjen me qeverinë dhe në aspektin tjetër me ndërtimin e një programi, qasje që lidhet me 2025 me zgjedhjet e përgjithshme, qofshin këto në 2025 apo edhe më parë.

Berisha do votëbesohet, është proces që kryhet sipas statutit, me votë të mbyllur. Kështu që nuk i dihet asnjëherë nëse do jetë sërish Sali Berisha kryetari”,-tha Ina Zhupa.

LEXONI GJITHASHTU:

• “Berisha po përdor grupin e Bardhit”, Muça: Do shihet qëndrimi i atyre që…
• Pse e shmang Fredi Belerin? Berisha i përgjigjet Çanit: Dokumentet që kam gjetur…