“Berisha po përdor grupin e Bardhit”, Muça: Do shihet qëndrimi i atyre që…

Gazetari Flogert Muça tha në një intervistë për Euronews Albania se ideja e Fatmir Mediut për një konferedatë të opozitës është e pakuptimtë duke ditur distancimin e madh mes Berishës dhe Bashës.

Teksa komentoi kuvendit e Rithemelimit që pritet të mbahet në 2 dhjetor, Muça tha se Gazment Bardhi po tregon se është ushtari më i betuar i Sali Berishës, ndërsa pritet të shihet cili do të jetë qëndrimi i deputetëve të tjerë brenda grupit të Bardhit që mbështesin punën  e SPAK.

“Ditën që Gaz Bardhi që para ditësh thoshte babi i Zenit, vrasës, ditën e që shkoi në kuvend dhe mbrojti Berishën për një kullë që përflitej, i ka vënë vulën se është ushtari më i betuar i Sali Berishës. Ka të tjerë te grupi i Bardhit për të cilët kam respekt, që bëjnë luftën në kuvend për të drejtat e opozitës dhe mbështesin punën e SPAK. Për këta jam kurioz si do shkojë vazhdimësia; do bëjnë një hap pas nga ajo tavolinë rrethore që po përdoret nga Sali Berisha, apo do shkojnë aty duke  e ditur që po përdoren nga Berisha. Janë deputetë si Dash Sula, Korreshi, Gështenja, Nallbati etj”, tha Muça.

LEXONI GJITHASHTU:

• Deklaratat e Ramës për tensionet në Kuvend, Bardhi: Refuzoi apelin e ndërkombëtarëve
• Bardhi përshëndet qëndrimin e ndërkombëtarëve: Parlamenti të jetë funksional