Berisha, mosbindje civile? Gazetari: Nëse do jetë si ato më parë, s’do ketë sukses

Gazetari Lavdrim Lita në një intervistë për Euronews Albania komentoi deklaratën e Sali Berishës se do të ketë mosbindje civile.

Lita shpreson që nëse do të ketë mosbindje civile të mos jetë si ajo e PS apo e PD-së vite më parë, pasi ato nuk patën sukses.

Më tej ai theksoi se Berisha nuk do të largohet për aq kohë sa ka çështje të hapura me drejtësinë.

“Jam shumë i interesuar ta shoh këtë mosbindje civile, do ishte hera e parë në Shqipëri që do të kryejnë një detyrë dhe shpresoj që të mos përfundojë si ajo e PS me djegie gomash, apo si ajo e PD-së para disa vitesh që bllokoi disa akse në rrugët në Tiranë.  Nëse do të jetë një gjë e tillë që e kemi parë më parë mendoj se nuk do të ketë sukses së më parë nuk ka pasur sukses. Jam shumë i interesuar ta shohë këtë mosbindje civile.

Derisa Berisha të ketë procese të hapura me drejtësinë, familjarët e tij të kenë procese të hapura me drejtësinë, Berisha aty do të jetë për t’i quajtur të përndjekur pokitikë dhe do të politizojë çdo lloj çështje”-tha Lita.

LEXONI GJITHASHTU: 

• Shpërthim me bombë në Irak, 10 të vdekur dhe 14 të plagosur
• DASH kritikon Kosovën për dënime të ulëta për akuzat e lidhura me terrorizëm