Marko Kepi, shqiptari i parë që kandidon për senatin e shtetit të New York

Shqiptaro-amerikani Marko Kepi, ishte i ftuar këtë të shtunë në Euronews Albania, ku zbuloi se ai do të garojë në zgjedhjet e ardhshme për të zënë një vend në senatin e shtetit të New York-ut.

Kepi tha se beson që shqiptarët do ta votojnë për të bërë të mundur që zëri i tyre të dëgjohet në politikën amerikane.

Ai shtoi se nëse komuniteti shqiptar ka një përfaqësues në senatin e New Yorkut, atëherë mund të marrin fonde për aktivitet shqiptare dhe ngritjen e qendrave komunitare në mënyrë që të mos asimilohen.

“Patjetër shqiptarët do më mbështesin. Herën e fundit që kemi regjistruar shqiptarët për të votuar brenda Partisë Republikane, 90% e tyre ishin demokratë, por e ndërruan partinë vetëm që të votonin një shqiptar. Nëse nuk ka primare, zgjedhjet në seantin e New York-ut do të mbahen në të njëjtën kohë me zgjedhjet presidenciale. Zëri im do sjellë zërin që shqiptarët janë këtu. Nëse nuk e kemi një përfaqësues në politikën amerikane këtu zëre se nuk ekziston. Nëse nuk e ke një përfaqësues e ke të vështirë të marrësh fonde për aktivitetet shqiptare dhe e ke të vështirë të krijosh një qendër për komunitetin shqiptar. Kanë qenë komunitete më të mëdha se ne dhe janë asimiluar pasi nuk kanë mundur dot t’i ndërtojnë këto qendrat”, tha Kepi.

LEXONI GJITHASHTU:

• Me flamuj, motorë dhe simbole Kombëtare, mbahet “Parada e Shqiptarëve” në Tiranë
• Parashuta me flamurin kuq e zi ulet në Prekaz, pamjet nga festimet në Kosovë