Përlotet qëndistarja nga Kruja: Emocionohem kur bëj vepra të Marigosë e Skënderbeut

Lindita është një qëndistare nga Kruja që punon flamuj dhe simbole patriotike shqiptare.

Gjatë rrëfilit të saj për emisionin “Real People” në Euronews Albania, ajo tregoi se ka rreth 40 vite që merret me këtë punë dhe është shumë e kënaqur.

Ajo rrëfeu mes lotësh se emocionohet shumë kur qëndis flamurin e Marigosë apo Skënderbeun.

Sipas saj, shqiptarët e vlerësojnë punën e saj dhe blejnë punime të saj, edhe për t’ja dhuruar bashkokombasve që jetojnë në emigrim.

“E punoj me shumë pasion. Është gjë e bukur kur bën diçka që e prodhon vetë dhe del nga dora jote. Kur bën punën e bukur e ke qarë me lot. Është e qame kjo me të qëndisme. Ajo e Marigosë dhe e Skënderbeut më kanë emocionuar shumë.

Jam e kënaqur se klientat ngaqë i pëlqen puna e kanë marrë. Të dyja janë të bukura, edhe e Skenderbeut, edhe e Marigosë, por ajo e Marigosë është pak më e vështirë. Është e bukur, të bukurën e duan të gjithë.

Atë të Marigosë nuk ma merr mendja ta punojë kush. Duhet t’i japësh dallgët e mpuplave, t’i japësh reflex. Përderisa unë nuk isha absolute te mësimet, vijova të bëja një zanat. Unë isha mesatare te mësimet, këto historitë kisha qejf, si me e dit që do të punoja Skënderbeun dhe Shqiponjën. Falenderoj babain tim që më futi në këtë zanat”, është shprehur Lindita.

LEXONI GJITHASHTU:

• Qëndistarja nga Kruja: Nuk do të ketë më Marigo në të ardhmen, gocat sot përtojnë
• Hidhet shorti i Euro 2024, Shqipëria në grupin e “ferrit”, me Spanjën dhe Italinë