“I varur nga droga dhe bixhozi” – Profili i babait që inskenoi rrëmbimin e vajzës

Shtatë ditë pas raportimit për zhdukjen e vajzës 14-vjeçare nga Shkupi, Policia e Maqedonisë së Veriut e gjeti trupin e saj të pajetë, të varrosur në një fshat në afërsi të kryeqytetit.

Pesë persona dyshohen për grabitjen dhe më pas vrasjen e të miturës, ndërsa në mesin e të dyshuarve është edhe babai i saj.

Babai dyshohet se u ka dhënë informacione për vajzën e tij grupit, i cili e ka rrëmbyer me qëllim që të zhvasë para nga e ëma e vajzës. Megjithatë, disa orë pas rrëmbimit, vajza është vrarë me armë zjarri.

Isen Saliu gazetar në RMV tregoi në emisionin GoodMorning Albanians në Euronews Albania se babai i 14-vjeçare njihej si një person i varur nga droga dhe bixhozi.

“Informacionet e fundit që kanë dalë në media janë se babai i vajzës që ka qenë i përfshirë në rrëmbimin e saj është një person i varur nga droga, po ashtu edhe një njëri i varur nga kumari dhe si duket këto kanë qenë motivet që e kanë detyruar të bëhet pjesë e një plan i kaq monstruoz”, tha gazetari.

LEXONI GJITHASHTU:

• 14-vjeçarja e vrarë në RMV me prindër të divorcuar, e ëma sa kishte shitur një pronë
• FOTO| Kush është personazhi publik në RMV që rrëmbeu dhe vrau 14-vjeçaren