Ndeshja e prapambetur në Superligë, Partizani ndalet nga Teuta në “Niko Dovana”

Ndeshja e prapambetur e Superligës shqiptare mes kampionëve në fuqi dhe Teutës është luajtur të enjten, ndërsa është mbyllur në barazim 1-1.

Një pjesë e parë më e mirë nga ana e djemve të detit, të cilët gjetën dhe avantazhin në minutën e 26’ me Peposhin. Në vijim tentativat rezultuan të pasuksesshme për vendësit, ndërsa në fraksionin e dytë Partizani i Abilaliajt u tregua më kërkues.

Keko do të ishte sërish shpëtimtar, ashtu si në derbi ku shënoi golin e barazimit. Në minutën e 76’ ai u shërbye mirë brenda zonës së rreptësisë, ku me portën thuajse bosh e ndali sferën në rrjetë. Me këtë barazim Partizani renditet në vendin e dytë në tabelën e klasifikimit, ndërsa është Egnatia skuadra që udhëheq garën me 33 pikë.

Në vendin e tretë vjen Tirana e më pas Skënderbeu, teksa aktualisht mbeten edhe 3 javë deri në fund të fazës së dytë. Sa i përket zonës së ftohtë, edhe aty gara vijon të jetë e fortë, ku skuadrat ndryshojnë javë pas jave. Në fundin e tabelës qëndrojnë durrsakët, në vendin e 9-të Erzeni dhe në të tetin Laci.

LEXONI GJITHASHTU:

• “T’i vënë gishtin kokës”, Rama: Nëse PS ndalon, progresi në rrezik serioz
• “Kaluam 3 kriza”, Rama: Po mos të ishte për PS-në do ishim kthyer në vitin 1997