“Të mos presim vetëm nga SPAK”- Rama:“Gjyqësori” nuk është i vetmi pushtet i pavarur

Kryeministri Edi Rama është shprehur se pushteti gjyqësor nuk është i vetmi pushtet i pavarur në Shqipëri, por është edhe ai ekzekutiv e legjislativ.

Komentet Rama i bëri në Kongresin e PS të mbledhur ditën e sotme, ku tha se nuk duhet të pritet vetëm nga SPAK që të luftojë korrupsionin, por çdo gjykatë duhet të garantojë drejtësi për qytetarët në mbarë vendin.

“Drejtësia nuk janë i vetmi pushtet i pavarur i kësaj republike, e cila ka edhe dy pushtete të tjera të pavarura, që nuk varen nga pushteti gjyqësor në vendimmarrjet e tyre dhe as nuk i japin llogari pushtetit gjyqësor për ushtrimin e kompetencave të tyre kushtetuese dhe ligjore.

Kështu funksionon drejtësia europiane dhe kjo është panorama e së ardhmes që ne duhet të punojmë të gjithë së bashku, që drejtësia e re të bëhet një drejtësi europiane në të gjithë territorin. Se nuk mjafton që një individ të shkojë para ligjit se ka një kostum politik, por duhet që çdo individ që shkon në dyert e gjykatave të Shqipërisë, të jetë i garantuar që e drejta e tij as nuk shitet e as nuk blihet.

Të mos presim vetëm nga SPAK që të luftojmë me korrupsionin në organizmin e pushtetit ekzekutiv, as të mos e lëmë progresin e drejtësië jashtë vëmendjes dhe progresit të përlamentit, i cili duhet të përfshihet shumë më tepër”, është shprehur Rama.

LEXONI GJITHASHTU:

• “T’i vënë gishtin kokës”, Rama: Nëse PS ndalon, progresi në rrezik serioz
• “Kaluam 3 kriza”, Rama: Po mos të ishte për PS-në do ishim kthyer në vitin 1997