SPAK kërkoi arrestimin e Berishës, Bardhi: Lajm i mirë që e di adresën e Kuvendit

Kreu i grupit parlamentar të PD, Gazment Bardhi e cilësoi provokim të rëndë ndaj opozitës vendimin për ashpërsimin e sanksioneve ndaj veprimeve të opozitës në Parlament.

Bardhi tha se opozita dhe Sali Berisha do votojnë pro çdo kërkese të SPAK që është në përputhje me kushtetutën.

“Ne jemi njohur përmes medias me kërkesën e SPAK. Kishim humbur besimin se e dinte adresën e Kuvendit, se e dinte detyrimin kushtetues që për t’i hequr lirinë një deputeti do të duhej të merrte autorizim nga ky institucion. Shkresa që kemi lexuar nga media na kthen besimin që SPAK e njeh kuvendin dhe do të duhet t’i drejtohet kësaj godine që kushtetuta i ka njohur pushtetit për të autorizuar çdo masë ndaj një deputeti. Sa i përket votimit, bie dakord të gjithë qëndrimi ynë dhe i Berishës voton pro çdo kërkese nga SPAK në përputhje me kushtetutën”, tha Bardhi.

LEXONI GJITHASHTU:

• Bardhi ironizon Kongresin e PS, publikon fotot e zyrtarëve në SPAK: Futen online
• Garda rrethon parlamentin, reagon Bardhi: S’është më i përfaqësuesve të qytetarëve