Avokatët e Berishës kërkojnë pezullimin e seancës në Këshillin e Mandateve

Mbrojtja e ish-kryeministrit Sali Berisha ka kërkuar në Këshillin e Mandateve dhe Imunitetit pezullimin e seancës ku po shqyrtohet kërkesa e SPAK për masën e arrestit.

Avokati Genc Gjokutaj kërkoi që të shtyhet mbledhja deri në shprehjen e Gjykatës Kushtetuese për masat e sigurisë të dhëna ndaj ish-kryeministrit Sali Berisha dhe specifikisht për nenin 73.

“Kjo çështje ka filluar më parë, odiseja e masave të sigurimit, jo procedimi dhe çdo rezultat i atij procedimi ka filluar në muajin tetor. Masat e mëparshme janë marrë me kërkesë të SPAK drejtuar GJKKO.

Kjo prokurori i është drejtuar gjykatës ndërkohë që Berisha është deputet i Republikës së Shqipërisë.

Ne do të paraqisim një vendim që masa e sigurisë “Detyrim paraqitje” është dhënë me autorizimin e Kuvendit. Është vendimi 104 të vitit 2017 që bëhet fjalë për ish-deputetin Saimir Tahiri dhe në atë rast Kuvendi ka dhënë autorizimin dhe për masat e sigurisë “Arrest me burg” dhe “Ndalim i daljes jashtë shtetit”.

Ne kërkojmë pezullimin e kësaj seance dhe unë dua t’ju shpjegoj pse e kërkojmë. Ju mund ta merrni vendimin, por ne duhet ta shpjegojmë. Kërkojmë të pezullohet seanca deri në dhënien e vendimit të Gjykatës Kushtetuese në lidhje me nenin 73”, tha Gjokutaj.

Por kërkesa e avokatit të Berishës nuk është pranuar nga kryetarja e Kuvendit Lindita Nikolla.

Në padinë e depozituar nga 1/5 e deputetëve  në kushtetuese në datë 14 dhjetor në lidhje me Berishën kërkohet:

1.Kërkohet interpretimi përfundimtar i nenit 73 pika dy.

2.Zgjidhja e konfliktit të kompetencave ndërmjet SPAK dhe Kuvendit

3.Konstatimin e papajtueshmerisë të masave shtrënguese që janë marrë ndaj Berishës per detyrim me paraqitje dhe ndalimin e daljes jashtë vendit, pa marrë më parë vendimin e kuvendit.

4.Pezullimin e masave shtrënguese ndaj Berishes deri kur gjylata kushtetuese te shprehet me nje vendim përfundimtar.

LEXONI GJITHASHTU:

• Kërkesa e SPAK për arrest në burg apo arrest shtëpie për Berishën? Përgjigjet Kraja
• “A ka tentuar të prishë provat”- Avokatët e Berishës përplasen me Krajën
• Këshilli i Mandateve, Berisha refuzon të shkojë: Nuk pranoj poshtërim publik