At Grigori për luftën në Gaza: Do kalojë, nuk ka asgjë që e “mbyt” dritën e Zotit

Grigor Palushi, Kleriku i Katedrales Ortodokse në Tiranë, ka thënë se situata që po ndodh tani në Gaza do të kalojë, sepse sipas tij, asgjë nuk e “mbyt” dritën e Zotit.

Komentet Palushi i bëri në “Good Morning Albanians” në Euronews, ku tha se në Shqipëri harmonia fetare është diçka tejet pozitive dhe shtoi se ka shumë persona që nuk i përkasin besimit të Krishterë dhe shkojnë në Kishë.

“Kjo është dita më e bukur dhe e gëzueshme e gjithë ciklit vjetor. Deri këtu kemi ardhur falë një përgatitjeje, prej 40 ditësh. Sepse kërkohet një lloj përgatitje nga ana shpirtërore, për të pritur lindjen e Krishtit. Dje në mbrëmje ne nisëm me shërbesën, ku të shumtë ishin besimtarët që erdhën për t’ju lutur Zotit. Sot si rrallherë ndodh që besimtarët të jenë më të gëzuar se herët e tjera. Ata kanë ardhur që në orën 07:00 sot. Ngjarjet që ndodhin në Kishën Ortodokse nuk janë ngjarje që i përkasin të shkuarës, por janë ngjarje që ndodhin sot.

Është e vërtetë që Betlehemi nuk po feston siç duhet Krishtlindjet për shkak të situatës në Gaza, por nuk ka asnjë fuqi në botë që të mbysë këtë dritë që ndriçon sot. Ne kujtojmë se sapo lindi Krishti, të parët që u bënë keq ishin pushteti i kohës. Kjo situatë do të kalojë dhe do të kthehen festimet e kohës.

Ne jetojmë në një vend që njihet për harmoni fetare. Ka një veçori sepse askush nuk pyetet se çfarë besimi je. Të shumtë janë edhe ata që nuk i përkasin besimit të Krishterë dhe që vijnë në Kishë”, tha At Grigori.

LEXONI GJITHASHTU:

• Të dhënat satelitore: Shkatërrimi në Gaza kalon edhe atë të Luftës së Dytë Botërore
• Hamas refuzon armëpushimin, OKB: Mbi gjysmë milion banorë në Gaza rrezikojnë vdekjen