Gazetarja nga Kosova: Udhëtova pa vizë për herë të parë, pse zgjodha Kroacinë

Gazetarja nga Kosova, Kaltrina Ajeti ka udhëtuar për herë të parë pa viza dhe si destinacion zgjodhi Kroacinë.

Ajo tha në “Good Morning Albanians”, se e zgjodhi Kroacinë, jo sepse nuk kishte qenë më parë, por se e pa si vendin më të afërt ku mund të udhëtonte, duke qenë se ende nuk e besonte që mund të shkonte diku pa viza dhe mendonte se mund ta kthenin pas në pikën e kalimit kufitar.

Ajo tha se u ndie shumë e emocionuar dhe e lirë ndërsa kalonte kufirin ndërsa shtoi se ndihej e keqardhur që kjo liri nuk u ishte dhënë më herët qytetarëve të Kosovës.

“Duke qenë se ne prej 22 -23 vitesh jemi zgjatur e përzgjatur me lajme të ndryshme nga BE-ja, këto ‘po-të” e thëna i marrim me shumë skepticizëm. Unë kisha dyshime nëse ishin të vërteta apo jo këto lajmë.

Ndaj zgjodha Kroacinë, jo se nuk kisha qenë, por duke e menduar si një terren më të përshtatshëm në rast se do kishte një procedurë ekstra për kosovarët, pasi kështu do të kthehesha më lehtë në Kosovë. Hyrja në kufi më ka dhënë emocione të veçanta. Mendimi i parë ishte sa gjynah që nuk na kanë lënë më parë”,-tha gazetarja.

LEXONI GJITHASHTU:

• “Ditë e trishtë për Kosovën”, gazetari komenton mesazhin e Macron për vizat
• Borrell: Liberalizimi i vizave për Kosovën i sjell përfitime edhe BE-së