Propozimi i Tupes që shqiptarët të kultivojnë kulturën: Të injektohet që në shkollë

Profesori Edmond Tupe është shprehur se kultura duhet që të kultivohet që në shkolla.

Komentet Tupe i bëri në emisionin “Barometri” në Euronews Albania, ku komentoi të dhënat e sondazhit të ditës së sotme.

Tupe tha se fëmijët duhet të mësohen me të bukurën, sepse sipas tij (citon një shprehje franceze), vetëm e bukura është e moralshme.

“Mirë shteti, por duhet një organizim, grup intelektualësh e artistësh që t’i bien këmbanave fort. Duhet edukata që në shkollë.

Do ta çësh në muzeum, do shkosh në një koncert, muzikë dhome. Do t’i përgatitësh psikologjikisht më përpara. Mund të shkosh edhe në një ndeshje sporti jo të dhunshëm.

Kultivohet dashuria për të bukurën. Sepse siç thonë francezët ‘vetëm e bukura është e moralshme’. Flasim për të bukurën shpirtërore dhe fizike. Është e moralshme sepse tërheq”, tha Tupe.

LEXONI GJITHASHTU:

• Shumica e shqiptarëve nuk i çojnë fëmijët në aktivitete kulturore
• Monumentet e kulturës në Gjirokastër, 300 mijë turistë vizituan 500 objekte kulti