Henderson i pakënaqur në Arabi, Ajax vëzhgon situatën e futbollistit

Kalimet në Arabinë Saudite jo të gjitha janë të suksesshme, e këtë fakt e konfirmon gjendja e futbollistëve si Firmino, Benzema apo Henderson.

Treshja në fjalë kanë bërë prapakthehu duke e cilësuar të vështirë vijimin e karrierës në Saudi Pro League. Ish-mesfushori i Liverpool aktualisht mban veshur fanellën e At Ettifaq, por aventura e tij nuk ka shkuar ashtu siç pritej. Ambientimi në vendin arab ka qenë i vështirë, duke bërë që lojtari të kërkojë rikthimin në Evropë. Aktualisht disa ekipe kanë shprehur interes, mes tyre dhe Newcastle e Ajax.

Benzema pak ditë më parë u zhduk nga Arabia Saudite, me mediat të cilat aluduan për një largim të francezit. Fituesi i topit të artë ishte zhvendosur për disa kohë në Evropë, ndërsa Al Ittihad reagoi duke pohuar se gjithçka ishte në rregull. Pavarësisht pagave të larta, duket se futbolli në Arabinë Saudite nuk u ofron lojtarëve gjithçka dëshirojnë.

Lingard ishte një nga emrat e përfolur për të kaluar atje po ashtu. Por futbollisti refuzoi të linte kontinentin e vjetër, ndërsa iu ofrua Barcelonës. 31-vjecari po kalon një moment jo pozitiv në karrierën e tij, që prej largimit nga Manchester United. Krahas blaugranëve, britaniku do të dëshironte të ndihmonte edhe Liverpoolin në fitimin e titullit kampion.

LEXONI GJITHASHTU:

• Merkato e janarit| PSG bisedime me Bayern për Kimmich, vëmendja te ylli i Seria A
• Broja në qendër të merkatos, cilat janë ekipet në garë për ta marrë