Konferenca e Bashës, reagon Bardhi: Na bëri të vdekur se nuk mendojmë si ai

Kryetari i Grupit Parlamentar të Partisë Demokratike Gazment Bardhi i është përgjigjur kryetarit të PD-së Lulzim Basha.

Në një reagim, Bardhi e ka cilësuar qesharake tentativën e Bashës për të marrë rolin e opozitarit.

Gjithashtu ai ka theksuar se sot shpalli të vdekur 60 mijë anëtarë të PD-së, vetëm sepse e kundërshtuan.

“Të të bëjë manual sesi bëhet opozita përgjegjësi kyç që e la partinë 12 vjet në opozitë, që shpalli sot të vdekur 60 mijë anëtarë të partisë vetëm se shprehin kundërshtin për të kaluar nga dështimi në dështim, deputeti opozitar që ka nga 21 Mars 2022 që nuk vjen në Kuvend, që ska bërë asnjë kallëzim në prokurori kundër Qeverisë dhe asnjë denoncim ndaj Qeverisë, që ka 5 muaj që vjen vërdall si memec pa thënë asgjë mbi realitetin politik, edhe pse vendi po rrëshket në autoritarizëm, është për të qeshur dhe për të qarë njëkohësisht.

Koha e zgjimit të opozitës me telekomandim ka marrë fund prej kohësh. Opozita është në betejë me regjimin e Edi Ramës dhe beteja është e vetmja formë e përballjes me një regjim. Leksionet boshe mbi opozitën kemi 12 vjet që i dëgjojmë dhe realiteti kur zgjohesh nga ëndrra e gjumit të thellë është që Rama vazhdon të jetë Kryeministër! Shqipëria ka nevojë për ndryshim dhe kjo mund të arrihet vetëm duke qenë më së pari të vërtetë”-tha ai.

LEXONI GJITHASHTU: 

•  “70 fëmijë në ditë në spital”/ Pediatria në Korçë i mbushur me të vegjlit me viroza
• Vazhdojnë aktet e dhunës në Ekuador, lirohen 40 pengje, vriten 5 terroristë