Më të mirët e vitit 2023/ FIFA ndan çmimet prestigjioze, Messi synon tjetër trofe

Pas fitimit të Topit të Artë, Messi synon një tjetër trofe për të shtuar në cabinet, e bëhet fjalë për lojtarin më të mirë të vitit kalendarik që lamë pas, e organizuar nga FIFA.

Një ceremoni që do të mbahet në Londër, ku në garë nuk janë vetëm futbollistët, por edhe trajnerët, portierët e të tjera çmime që do të ndahen. Kampioni i botës që aktualisht luan me Inter Miamin sfidohet nga dyshja Haaland dhe Mbappe.

Norvegjezi ka fituar të gjithë trofetë e mundshëm me Manchester Cityn sezonin që lamë pas, në anën tjetër ecuri pozitive ka pasur dhe Kylian Mbappe. Periudha e vlerësimit nis nga janari deri në dhjetor të 2023, ku në rastin e Messit, do të shihet performanca e tij në Ligue 1 si dhe ajo në MLS.

Ceremonia që do të nisë në orën 20, do të ndajë dhe të tjera cmime si trajnerët, futbollistët, futbollistet, trajnerët në futbollin e femrave, talentin e vitit. Gara për trajnerët po ashtu është e fortë, ku 3 emrat e nominuar janë Guardiola, Inzaghi e Spalleti. Favorit cilësohet spanjolli për suksesin e padiskutueshëm.

LEXONI GJITHASHTU:

• “Dua të garoj për Shqipërinë, i pakënaqur nga Kosova”-sportisti që vrapoi 28 orë
• FIFA sjell risinë për Kupën e Botës, Botërori 2030 në 3 kontinente