Kujdes nga gripi/ Çomo: Shifrat po rriten. Ramosaço: Ngrihen 31 urgjenca në vend

Rastet me grip dhe viroza të stinës  kanë pësuar rritje . Gjatë një jave janë paraqitur tek mjekët e familjes dhe urgjencat spitalore, mbi 14 mijë persona me problem shëndetësore.

Një pjesë e tyre kanë patuar nevojë për kujdes të shtuar mjekësor. Shefja e spitalit infektiv Najada Como me anë të një video- mesazhi  ka pohuar se shtrimet janë rritur por, nuk ka vend për panik.

“Shifrat janë duke u rritur, por nuk ka vend për panik”, -tha shefja e spitalit infektiv, Najada Como

Për të përballuar fluksin në rritje të  rasteve me grip, ministria e Shëndetësisë ka celur shërbime urgjence në disa qendrat shëndetësore në të gjithë Shqipërinë.

Pavarësisht shifrave në rritje, nga një javë në tjetrën, vendi duket se nuk rriskon epideminë e gripit.

Ndërsa parashikohet që rastet të vijnë në rritje duke arritur kulmin në fund të këtij muaji dhe fillim të shkurtit, ekspertët kërkojnë të bëhet kujdes veçanërisht nga të moshuarit, fëmijët dhe grupet e riskut.

Zëvendës-ministrja e Shëndetësisë, Entela Ramosaço ka njoftuar se do të ngrihen 31 urgjenca në vend.

LEXONI GJITHASHTU:

• Tre ditë pas shpalljes Mbret i Danimarkës, Frederik X boton librin e tij të parë
• Vodhën një shumë parash në banesën e një gruaje, arrestohen 2 të rinj në Has