Ksamili gati për sezonin e verës/ Po trajnohen operatorë, pritet fluks turistësh

“Edhe pse jemi vetëm në janar në Ksamil industria e turizmit ka nisur përgatitjet për sezonin veror, ndërsa pronontimet në ambientet akomoduese janë konkrete.”

Hoteleria në Ksamil që prej këtij muaji ka gati ofertën për të pritur turistë. Prenontimet e para vijnë nga Europa Perëndimore dhe janë kryesisht të rinj.

Soraldo Nebo, hotelier, pohon se strukturat akomoduese po tregohen të kujdeshme të mos rrisin çmimet.

“Kemi përgatitur ofertën, çmimet që para dhjetorit, por në janar i hapëm, dhe po shohim kërkesa shumë të larta.

Jemi shumë të vëmendshëm ndaj ndryshimeve të çmimeve, që po ndodhin qoftë në rajon qoftë në Shqipëri, nuk do kemi rritje çmimesh. Kemi rritje të ofertës , të cilësisë…. turisti në Ksamil do të presw shërbim më të mirë, rritje të profesionalizmit të stafeve tona.”

Ndikim të fuqishëm do të kenë fluturimet direkte që janë hapur në TIA dhe që janë loë cost.

Ajo që u vu re vjet dhe që i shkon për shtat si Ksamilit ashtu dhe Sarandës janë të rinjtë. Kështu që unë besoj se shumica e atyre që do të jenë prap në Ksamil do të jen të rinj, që duan të argëtohen, të shijojnë Ksamilin, mikpritjen…”

Në Ksamil parapërgatitja e sezonit veror po përfshin të gjitha hallkat e turizmit. Muajit e dimrit janë shfrytëzuar për trajnim dhe certifikime udhërrëfyesish e tur operatorësh detar, duke pasur parasysh përmasat që po merr turizmi detar në jug.

Ksamili që bëri jehon në gjithë Europën gjatë vitit të shkuar, këtë vit po i shfrytëzon muajit e dimrit për restaurime, dhe trajnime për një sezon që për herë të parë do të nis më herët.

LEXONI GJITHASHTU: 

• U përplas në vijat e bardha në Tiranë, kush është e reja që ndërroi jetë
• Kurti: Hapja e korridoreve ajrore me Shqipërinë, përfitime mjedisore dhe ekonomike