Aksident i rëndë në Shkodër, humb jetën fëmija 4-vjeçar

Një aksident i rëndë raportohet të ketë ndodhur në aksin rrugor “Shkodër-Velipojë” gjatë ditës së sotme, në vendin e quajtur “Pulaj-Plazh”.

Përmes një njoftimi, Policia bën të ditur se dy automjete janë përplasur me njëri-tjetrin dhe si pasojë ka humbur jetën një fëmijë 4-vjeçar.

Po ashtu bëhet e ditur se shtetasit e tjerë që ishin në automjetet e përfshirë në aksident kanë mbetur të dëmtuar dhe ndodhen nën kujdesin e mjekëve.

Ndërkohë në vendngjarje ndodhet grupi hetimor, i cili po punon për sqarimin e rrethanave të aksidentit.

Njoftimi i Policisë:

Shkodër-Rreth orës 13:00, në aksin rrugor “Shkodër-Velipojë”, në vendin e quajtur “Pulaj-Plazh”, automjeti me drejtuese shtetasen K. B., 22 vjeçe, është përplasur me automjetin me drejtues shtetasin P. C., 38 vjeç.

Nga përplasja e automjeteve ka humbur jetën një 4-vjeçar, ndërsa shtetasit e tjerë të dëmtuar janë në kujdesin e mjekëve.

Në vendngjarje ndodhet grupi hetimor, i cili po punon për sqarimin e rrethanave të aksidentit.

LEXONI GJITHASHTU:

• Shoferja e dehur shkakton aksident, dëmtohen 6 persona, mes tyre 3 të mitur (Emri)
• 3 mln lekë për 2 të aksidentuarit nga skela në Tiranë? Avokatja tregon shembullin