Klopp e mbyll me Liverpool, kur pritet të largohet nga “Anfield”

Jurgen Klopp do ti japë lamtumirën Liverpoolit në fund të këtij sezonit, pas plot afro 9 vitesh nën drejtimin e të kuqve. Tekniku gjerman e ka bërë këtë gjë të ditur nëpërmjet një interviste dhënë për televizionin zyrtar të skuadrës angleze, ku kishte dhe një mesazh drejtuar tifozëve.

“E di që për këdo është tronditëse kur e dëgjon për herë të parë, por mund t’ua shpjegoj ose do të përpiqem ta bëj. E adhuroj gjithçka rreth këtij klubi, qytetin, mbështetësit, skuadrën dhe stafin. E dua gjithçka. Por përderisa e marr këtë vendim do të thotë se jam i bindur se është i duhuri për tu marrë. Unë nuk kam asnjë problem, e dija prej kohësh që do më duhet ta njoftoja diçka të tillë, por jam mirë. E di që nuk mund ta bëj këtë punë sërish dhe sërish dhe sërish”, tha Klopp.

Klopp mbërriti në Britaninë e Madhe në vitin 2015, ku la Dortmundin për t’iu bashkuar projektit të Liverpool. Që prej atij viti ka fituar 8 trofe mes tyre dhe Champions League dhe Premier League. Zhvillimi që i solli skuadrës ishte i jashtëzakonshëm krahasuar me parardhësit e tij, ndërsa edhe këtë vit është shumë pranë fitimit të titullit.

Deri më tani nuk ka asnjë informacion se ku do të transferohet 56-vjeçari, i cili karrierën e nisi tek Mainz, por ajo që mund të konfirmohet është se ndaj tij nuk do të mungojnë ofertat.

LEXONI GJITHASHTU:

• Zhgënjehen tifozët shqiptarë! UEFA e “kursyer”, nuk sigurojnë bileta për Euro 2024
• Zyrtarizohet miqësorja e parë e Shqipërisë përpara Euro 2024