“Studioja deri në 6 të mëngjesit”,Robert Radoja tregon si lindi dashuria për pianon

Kompozitori Robert Radoja, personazh i kësaj jave në “Profil” me Greta Topjana në Euroneës Albania, ka rrëfyer se si kur ishte ende i vogël nisi ti binte pianos.

Lidhja e tij me pianon ka nisur në moshën 12-vjeçare, moshë e cila sipas tij ishte e madhe për të nisur pianon, pasi duhet ta kishte nisur atë që në moshën 6-vjeçare, por me shumë punë arriti që brenda 6 muajsh të bënte punën që duhet të kishte bërë në 6 vite.

“Pianoja kishte vetëm një gjë. S’kishte nevojë të mendoje, por ishte nevoja që 6 deri në 8 orë në ditë duhet të mësoje. Ne 4 piano kishim gjithsej, në ishim 3 djem dhe 18 vajza. Vajzat do studionin ditën, ndërsa ne djemtë e shkretë fillonim në orën 10 të darkës deri në 6 të mëngjesit”,-tha profesor Radoja.