Talat Xhaferi kryeministër i RMV, Mulaj: Fitore! Pse është i rëndësishëm precedenti
Gazetarja Esmeralda Mulaj ka thënë se zgjedhja e Talat Xhaferit si kryeministër i Maqedonisë së Veriut është një fitore e madhe për shqiptarët.
Komentet Mulaj i bëri në emisionin “Now me Erla Mëhillin” në Euronews Albania, ku tha se është i rëndësishëm precedenti që vendoset me vendosjen e Xhaferit në këtë post.
Mulaj mori si shembull edhe zgjedhjen e Dritan Abazoviç pak kohë më parë si kryeministër i Malit të Zi, i cili sipas saj, theu një tabu në atë vend.
Sipas saj, gjatë këtyre 22 viteve shqiptarët në Maqedoninë e Veriut kanë fituar shumë, derisa kanë mbërritur në këtë pikë që kanë thuajse gjysmën e qeverisë.
“Për mua nuk është fare fitore simbolike, është një fitore e madhe, sepse vërtet nuk qeverisin shqiptarët, sepse nuk mund të qeverisin shqiptarët 29 % një vend që ka mbi 60 % maqedonas. Por prapë ke gjysmën e qeverisë dhe të arrish në 22 vite nga kur ti ke qenë në një luftë, UÇK, ku Ali Ahmeti ka qenë udhëheqës i luftës dhe Talat Xhaferri një nga komandantët e luftës, kishe zv.kryeministrin e parë dhe sot ke kryeministrin e parë shqiptar.
Pavarësisht se janë 100 ditë, ai do të mbetet në historinë e Maqedonisë si kryeministri i parë. Është i rëndësishëm edhe precedenti.
Në Malin e Zi kishim një kryeministër shqiptar Dritan Abazoviç, edhe atëherë ai u zgjodh si u zgjodh se ishte minorancë. Por shënoi një precedentë të rëndësishëm, sepse sot ke një zv.kryeministër shqiptar. Pra në Maqedoninë e Veriut tani përshtypje bën vetëm presidenti, nëse do të vijë koha të ketë një president shqiptar”, tha Mulaj.
LEXONI GJITHASHTU:
Irani mohon deklaratat e JD Vance për inspektorët ndërkombëtarë në impiantet bërthamore
Dita e 24-t e protestës, publikohen 5 kërkesat kryesore të protestuesve
Dita e 24-t e protestave në Tiranë, protestuesit nisin marshimin drejt Kryeministrisë
- 20:06 Vizita në Paris, Rama: Shqipëria, partnere strategjike e Francës në Ballkan
- 20:04 Irani mohon deklaratat e JD Vance për inspektorët ndërkombëtarë në impiantet bërthamore
- 20:03 GJEDNJ kundër Shqipërisë në tre çështje vetingu: Konstatohen shkelje në rastet Osmani, Elezi dhe Kadana
- 20:00 Dita e 24-t e protestës, publikohen 5 kërkesat kryesore të protestuesve
- 19:53 Dita e 24-t e protestave në Tiranë, protestuesit nisin marshimin drejt Kryeministrisë
- 19:51 Tregu i punës në 2025, papunësia zbret në 8.4%, paga mesatare 84 mijë lekë