Deputeti i Kosovës: Na shikoni me shtëpi të bukura, por mund të na ndodhë…

Deputeti i PDK, Hisen Berisha tha në emisionin Now në Euronews Albania se Kosova ka bërë shumë progres që nga koha e luftës, por me situatën e krijuar mund të ndodhë një përplasje me Serbinë në çdo moment.

Sipas tij, qeveria e Kurtit i ka kthyer çështjet ligjore në kauza politike dhe marrëveshje të dëmshme për Kosovën.

“Kosova ka bërë progres nëse kujtojmë kohën e luftë me Serbinë. Kur vinin na shihnin me ekonomi, shtëpi të bukura, na thoshin shumë mire jeni, çfarë kërkoni, por s’e kuptonin peshën e lirisë. Sot imagjinoni një Kosovë me kufi të hapur me Serbinë të paratifikuar, në një moment kritik mund të ndodhë më e keqja. Nuk ka nevojë të krijohen nga çështjet ligjore kauza politike, të gjitha tezat janë kthyer në kauza politike dhe marrëveshje të dëmshme për Kosovën”, tha ai.

LEXONI GJITHASHTU:

• Mulaj kritika Kurtit: Duke i bërë karshillëk SHBA e BE s’e çon dot para Kosovën
• Debati për dinarin, Rama: Kosova ka të drejtë të mbrojë kushtetutën e saj