“Opozita të flasë në Parlament”, Alibeaj: Mazhoranca është vetëm numra e kartonë

Deputeti i Partisë Demokratike Enkelejd Alibeaj tha në një intervistë për Euronews Albania se pavarësisht se me instrumente të pakta, opozita duhet që sërish të  bëjë rolin e saj në Parlament.

Ajo sipas tij duhet të dalë e të flasë në të mirë të atyre që e kanë zgjedhur, pasi nëse nuk e bën opozita, mazhoranca nuk do e bëjë, por do vazhdojë të kalojë e të miratojë ligje pa asnjë diskutim.

“Çdo lloj sjellje e cila arrin përfaqësimin e demokratëve në parlament, por përkundrazi shërben apo kthehet si një kontributore në qëndrimin dhe interesin e Ramës, për tëkaluar ligjet me shpejtësi për të mos dhënë llogari për të mos u përgjigjur për akuzat e mëdha publike, për inceneratorët e për gjëra të tjera me radhë unë besoj se është një gjë e shëmtuar që nuk duhet ta mbështesim dhe nuk duhet t’ua japim shqiptarëve.

Roli i çdo parlamentari është pikërisht ky që zërin e publikut dhe të zgjedhësve të vet ta sjellë në parlament dhe të kontrollojë qeverinë, kaq e thjeshtë është. Kjo vlen për opozitën, se mazhoranca është vetëm numra e kartonë, me gojë të mbyllur.

LEXONI GJITHASHTU:

• PE-ja miraton rezolutën për Serbinë, kërkon të hetohen parregullsitë në zgjedhje
• PS i rrëzoi amendamentin, Basha largohet nga salla. Përplasja me Nokën: Je i pabesë