Rikthehet magjia e Champions League, nisin përballjet me eliminim direkt

Pas një pause 2 mujore, rikthehet spektakli i Uefa Champions League. Kompeticioni më spektakolar i futbollit për klube në Evropë vijon me fazën me eliminim direkt, ku këtë të martë në fushë zbresin 4 skuadra. Edhe pse nuk parashikohen përballje gjigantësh, sërish surprizat nuk përjashtohen. Rekordmenët e kompeticionit, Reali i Madridit, udhëton drejt Gjermanisë, ku e pret Leipzig.

Kjo është hera e tretë që këto ekipe përballen me njëra-tjetrën në Ligë ne Kampionëve, ku secila ka marrë nga një fitore. Më 14 shtator 2022 në Bernabeu triumfonin galaktikët 2-0, ndërsa 1 muaj më pas ishte Leipzig që në shtëpi surprizonte Realin 3-2. Asokohe luhej për fazën e grupeve, ndërsa tanimë llogaritë bëhen ndryshe. Faza me eliminim direkt është ajo më e nxehta, ndërsa forma që vijnë dy skuadrat është krej e kundërt nga njëra-tjetra.

Tekniku Ancelotti nuk ka në dispozicion 5 futbollistë, ndërsa tek gjermanët vetëm Haidara, mungon për shkak të dëmtimit në gju. Paralelisht luhet dhe Copenhagen-Manchester City. Surpriza daneze e Ligës së Kampionëve do të provojë të bëjë mirë dhe në eliminimet direkte, por përballë janë kampionët në fuqi. Skuadra e Guardiolës vjen me artilerinë e plotë, ndërsa tek vendësit mungojnë 4 futbollistë, ndërsa Meling është në dyshim. Favoritë kryesorë për fitimin e këtij dueli është klubi anglez, i cili pritet ta zgjidhë çështjen kualifikim që në përballjen e parë.

LEXONI GJITHASHTU:

• Hidhet shorti i Champions  League, përballje interesante pas fazës në grupe
• Reali dhe “tersi” i penalltive/ Madrilenët s’ kanë shënuar në Champions dhe La Liga