“T’i afrohesh Interit dhe të fitosh Europa League”- kushtet e Milanit për Piolin

2 sezone më parë fitonte titullin kampion me Milanin, trofe që mungonte prej 1 dekade, por tanimë rezulton të mbetet pa punë. Bëhet fjalë për Stefano Piolin, i cili është përfolur se në fund të sezonit do të largohet nga Milano, kjo për shkak të mospërmbushjes së objektivave. Në mediat italiane madje kanë qarkulluar dhe emra të cilët mund të zëvendësojnë italianin, e njëri prej tyre ishte bashkëkombasi Antonio Conte.

Por së fundmi janë zbuluar të tjera detaje, konkretisht kushtet që drejtuesit e klubit i kanë vendosur Piolit, e në rast se i plotëson atëherë do të diskutohet për rinovim kontrate. E thënë me thjeshtë, kuqezinjtë duhet të triumfojnë në Europa League, si dhe të mbyllin në vendin e dytë garën në kampionatin Italian, me pak diferencë pikësh nga Interi.

Kjo e dyta nuk është e pa arritshme edhe pse skuadra ka lënë pikë gjatë javëve të fundit, ndërsa në kompeticionin evropian gara është e fortë, sidomos kur në lojë janë dhe Liverpool apo edhe surpriza gjermane e Leverkusen. Por edhe nëse plotësohen të gjitha objektivat, palët do të ulen të bisedojnë, se sa gati është Pioli të sjellë trofe në sezonin e ri, në të kundërt, do të largohet menjëherë nga Milano.

LEXONI GJITHASHTU:

• Interi, “poker” ndaj Leçe, zikaltrit 19 ndeshje pa humbje në Serinë A
• Interi “poker” ndaj Atalantës, zikaltrit shkëputen nga Juventus