Interi ka vijuar serinë e rezultateve pozitive, duke e çuar në plot 19 sfida pa humbje në kampionatin Italian, ndërsa të dielën në pasdite triumfoi ndaj Leçe.

Një përballje e cila u dominua totalisht nga zikaltrit, që nuk e vendosën asnjëherë në dyshim fitoren, ndërsa shënuan plot 4 herë në portën e Falcones. Goli i parë erdhi në minutën e 15-të, aty ku Asllani asistoi për Lautaro Martinez, me këtë të fundit që në ballafaqimin me portierin kundërshtar, arriti ta mposhtë.

Në pjesën e dytë, miqtë nga Milano vijuan po ashtu të sulmonin kundërshtarin ku dyfishuan me Frattesin, e më pas Martinez e De Vrij dërguan shifrat në 0-4. Ky ishte triumfi i 7-të radhazi për zikaltrit në kampionat, të cilët përballjen e ardhshme e kanë ndaj Atalantës. Tanimë diferenca me vendin e dytë që mbahet nga Juventus është 9 pikë.

Mbrëmjen e së dielës Milani u ndal nga Atalanta në shtëpi në shifrat 1-1. Edhe pse kuqezinjtë shënuan të parët me Leaon, miqtë arritën të barazojnë me Koopmeiners nga pika e bardhë e penalltisë. Milani regjistron kështu ndeshjen e dytë pa fitore, pas asaj ndaj Monzës e humbur në shifrat 4-2.

Më herët Juventusi fitoi ndaj Frosinones 3-2, ndërsa Cagliari-Napoli u mbyll pa fitues.

LEXONI GJITHASHTU:

• Rey Manaj i pandalshëm, shënon golin e 18-të. Vlera i rritet miliona euro
• Klopp fiton një tjetër trofe, Liverpool mposht në finale Chelsea