Interi me hap kampioni, Zikaltrit shkëputen 15 pikë nga vendi i dytë

Genoa ishte pengesa e radhës e Interit në kampionat, të cilën arriti ta kalojë me sukses. Zikaltrit regjistruan një tjetër fitore, duke marshuar me hap kampioni në krye të tabelës së klasifikimit. Tanimë diferenca me Juventusin e vendit të dytë është 15 pikë, me këta të fundit të cilët janë dorëzuar në garën për titull.

Ndaj Genoas në shtëpi ishte 1 tjetër paraqitje pozitive nga të besuarit e Simone Inzaghit. Një 90 minutësh i luftuar dhe i luajtur më mirë edhe pse kundërshtari po ashtu nuk u dorëzua. Goli i parë erdhi nga këmbët e Kristjan Asllanit pas një asisti nga Alexis Sanchez, me kilianin që do të shënonte golin e dytë të sfidës.

Fraksioni i parë u mbyll me avantazhin e dyfishtë nga ziklatrit, ndërsa në të dytin Genoa ngushtoi diferencën me Vasquez, por që e pati të pamundur të reagojë më tej. Minutat në vijim nuk prodhuan asgjë, me Interin që hipotekon triumfin e radhës, duke vrarë shpresat e kundërshtarëve në garën për titull.

LEXONI GJITHASHTU:

• Muçollari: “Beleri” nuk është çështje minoritare, por e një përfaqësuesi të opozitës
• Ndryshimet te Rithemelimi/ Flet anëtari i Këshillit: Koha të tregojnë vlerat