“Rrezik për dhunë”- Zbardhet raporti i Inteligjencës së SHBA për Ballkanin

Komuniteti i Inteligjencës Amerikane ka publikuar raportin vjetor të vlerësimit të kërcënimeve për vitin 2024.

Në këtë raport është i përfshirë edhe rajoni i Ballkanit Perëndimor, rajon për të cilin parashikohet rritje e rrezikut për dhunë të lokalizuar ndër-etniike.

Publikimi potencon se liderët nacionalistë ka të ngjarë që të përkeqësojën situatën dhe të rrisin tensionet për ta përdorur situatën në avantazh të tyre politik.

Gjithashtu thuhet se aktorët e jashtëm do të përforcojnë dhe shfrytëzojnë dallimet entike për të rritur apo mbrojtur ndikimin e tyre rajonal ose edhe për të penguar integrimin e rajonit të Ballkanit Perëndimor në BE dhe institucionet euro-atnaltike.

Aty përmenden si shembuj ngjarjet në Banjskë në shtator, ku “përleshjet mes nacionalistëve serbë dhe autoriteteve kosovare shkaktuan vdekje dhe plagosje, përfshirë lëndimet e paqeruajtësve të NATO-s, në vitin 2023”, si edhe veprimet provokuese të udhëheqësit të serbëve të Bosnjës, Milorad Dodik.

Sa i perket situates botërore, në raport thuhet se SHBA përballet me një “rend botëror gjithnjë e më të brishtë”, të tensionuar nga konkurrenca e fuqive të mëdha, sfidat ndërkombëtare dhe konfliktet rajonale.

LEXONI GJITHASHTU:

• Këshilli i BE-së e miraton pozicionin për planin për rritje ekonomike në Ballkan
• Mesazhi i Gjermanisë: Nuk do ta lëmë Rusinë të influencojë Ballkanin Perendimore