“U ndalua në kafe në Dhërmi”-Detaje nga arrestimi i Goros: SPAK e monitoronte

Pasditen e sotme është arrestuar me urdhër të SPAK, kryebashkiaku në detyrë i Himarës, Jorgo Goro. Arrestimi i tij ka ardhur pas një kallëzimi penal të bërë më herët nga Fredi Beleri, i cili e akuzon për tjetërsim pronash.

Gazetarja e Euronews Albania, Greta Haskaj tha  për “Review” se në momentin e arrestimit kryebashkiaku ka qenë në Dhërmi në një lokal, i shoqëruar nga 4 persona të tjerë.

“Sipas burimeve jo zyrtare pasditen e sotme rreth orës 17:45 është arrestuar ndërsa ishte në ambientet e një lokali në Dhërmi. Pronarët e lokalit nuk kanë dashur të prononcohet. Megjithatë ajo që bëhet e ditur është se pasditen e sotme në këtë lokal së bashku me Jorgo Goron ishin edhe katër persona të tjerë. Ai u arrestua nga agjentët e SPAK, ndërsa ka qenë edhe më herët në monitorim”,-tha gazetarja.

Kujtojmë se ditën e sotme për të njëjtën çështje janë arrestuar edhe katër zyrtarë të tjerë, tre prej të cilëve janë nën masën arrest shtëpie, ndërsa Jorgo Goro dhe Stavri Mëhillit iu caktua masa arrest me burg.

LEXONI GJITHASHTU:

• Kush janë zyrtarët e tjerë që u arrestuan bashkë me kryebashkiakun e Himarës
• Arrestohet Jorgo Goro, kryebashkiaku në detyrë i Himarës