PSV në gjurmët e qendërmbrojtësit 18-vjeçar të Flamurtarit

Futbolli vlonjat ka prodhuar talente ndër vite, të cilat kanë shkëlqyer jo vetëm me skuadrën bregdetare, por edhe me kombëtaren kuqezi. Disa prej tyre kanë vijuar karrierën jashtë vendit, duke arritur nivele të larta. Tradita vijon ende, teksa një tjetër emër që premton shumë është ai i 18-vjeçarit Nikolas Nika. Qendërmbrojtësi vlonjat i cili ka luajtur për skuadrat xinxhir të Flamurtarit ka tërhequr vëmendjen dhe të disa prej ekipeve evropiane.

Së fundmi bëhet fjalë për gjigantët holandezë të PSV, madje këta të fundit kanë marrë në provë futbollistin, i cili dallohet për aftësitë e tij në repartin difensiv. Paraqitjet e talentit vlonjat kanë qenë pozitive, ndërsa shumë shpejt do të ketë dhe zhvillime sa i përket kalimit të tij në shkollën holandeze të futbollit.

Më parë, Nikolasi ka qenë në radarët e Lokomotivës së Zagrebit, një tjetër skuadër e cila ka pasur në gjirin e saj futbollistë shqiptarë. Në skuadrën kroate takimi i parë mes palëve ka qenë pozitiv, ndërsa në sezonin veror pritet që 18-vjeçari të zhvillojë një tjetër provë atje.

Në këtë situatë, e ardhmja e Nikolasit duket e artë, duke premtuar shumë për talentin vlonjat, i cili ka mbajtur veshur edhe fanellën kuqezi të ekipit kombëtar.

Skeda e futbollistit:

Emri: Nikolas Nika

Datëlindja: 03.05.2006

Gjatësia: 185cm

Pozicioni: Qendërmbrojtës i djathtë

Skuadra: Flamurtari

Pjesë e akademisë kuqezi prej qershorit 2012

LEXONI GJITHASHTU:

• Liverpool këmbëngul për Alonson, zbulohet “sekreti” në kontratën e spanjollit
• Bayern i pakënaqur me Tuchel, Alonso shihet si zëvendësues